เนื้อเพลง > หัวอกเมรี

เนื้อเพลง หัวอกเมรี - ตู่ ดารณี

เพลง : หัวอกเมรี
ศิลปิน : ตู่ ดารณี
หมวดเพลง :
0
..สุริยน จะลับพนา
เอ็นดูยักษา ตี่จื่อเมรี
เอาใจ๋พระรถ จ๋นหมดสี่ห้อง
วิบากแต๊น้อง
พระรถบ่หันความดี
หนีละเมียยักษ์ อกหักทันที
หยั่งนี้ก็มี หนอตั๋วป้อจาย
เอ็นดูแต๊ๆ แม่ปล้องแขนกล๋ม
ตากหงายเป๋นลม
เอย จะวางวาย
เหมือนดั่งตัวน้อง
ตี่ต้องครวญคร่ำ
ได้ผัวใจ๋ดำ เอย ใจ๋ฮ้าย
ขี้เหล้าเจ้าชู้ อยู่ในเขาหมด
ยิ่งกว่าพระรถ
เหียก่อนหนออ้าย
เมียโทรถามหยัง
เสียงดังเอะอะ
ทีกับสาวจ๋าจ๊ะ
เสียงน้อยเสียงใหญ่
จวนสาวดูหนัง
เดินห้างจ๋นเพลีย
ว่าทีต๋าเมีย บ่ปาไปไหน
อย่างดีกาดนัด วันศุกร์ วันเสาร์
แกล้งบอกหื้อเฮา
เอาแล่ซื้อเสื้อใส่
จี้เอาสี่ตั๋วร้อย เออ เอิง เอย
..จี้เอาสี่ตั๋วร้อย
หยังมาน้อยหัวอก
น้ำต๋าปอตก หัวอกตังใน
ตกต๋าเปิ้น เป๋นดีใคร่หัว
แต่มาตกต๋าตั๋ว เป๋นดีใคร่ไห้
ขอยเปิ้นแต้เน้อ เจอผัวใจ๋พระ
เตียวไปไหนก๊ะ ก็ก๋ำแขนไป
ผัวเฮาเตียวห่าง อย่างบ่ฮู้จักกั๋น
ตั๋วไผ๋ตั๋วมัน ข้ามถนนใหญ่
เขฮื้อรถจนเฮา เต้านั้นบ่ปอ
แถมยังด่าทอ ว่าบ่ขะใจ๋
ปลื้มอกแตนยักษ์ ตี้ผัวมาหนีไป
บ่ต้องตุ๊กใจ๋ เหมือนดั่งตั๋วเฮา
พระรถลักหนี เมรีครวญคร่ำ
ผัวเฮาแถมกำ มันบ่หนีไปไหน
เดิ๊กเดิ่น เกิ่งคืน กิ๋นเหล้าเมามา
เหม็นก่าขี้ห่า ยังใคร่มานอนใกล้
อ้างจะเป๋นพระรถ จะป๊กครัวไป
ถ้าบ่เปลี่ยนนิสัย ขอหื้อไปโวยๆ
น้องบ่ใจ้เมรี ที่จะฮ้องหา
ขอโทษผัวจ๋า ว่าเสียใจ๋ด้วย
ไปเต๊อะผัวใจ๋ดำ
ขอฮื้อร่ำฮื้อรวย
น้องนี้จะบ่ตวย เหมือนนางเมรี
เออ เอิง เอย.





จบเนื้อเพลงหัวอกเมรี - ตู่ ดารณี

* ลิขสิทธิ์เพลงหัวอกเมรี และทุกเพลงในเว็บนี้ เป็นของเจ้าของลิขสิทธิ์นั้นๆ จุดประสงค์ของเว็บคือเพื่อโปรโมตเพลงของศิลปินเท่านั้น ไม่มีวัตถุประสงค์เพื่อการค้า และไม่สนับสนุนการ แจกเพลง ดาวน์โหลด โหลดเพลง ริงโทน และ mp3 เถื่อนใดๆทั้งสิ้น หากชื่นชอบในเพลง กรุณาซื้อหรือสนับสนุนแต่ของถูกลิขสิทธิ์เท่านั้น เพื่อให้ศิลปินยังคงสร้างสรรค์ผลงานดีๆให้ทุกท่านได้ฟังต่อไปได้


เว็บไซต์นี้ใช้ cookie เพื่อเพิ่มประสิทธิภาพ รายละเอียด